Təkamül nəzəriyyəsinin süqutu

“Animal Planet” bu proqramda bir daha şimpanze zəka və davranışlarına əsaslanan darvinizm təbliğatına yer verdi. “Animal Planet” proqram boyunca insanla şimpanze arasında paralelliklər qurma baxımından diqqət çəkici bir səy ortaya qoydu. Sənədli filmdə şimpanzelərin alətdən istifadə etmə, səs çıxarma kimi qabiliyyətləriylə bəzi “siyasi” davranışları mövzu edildi. İnsanın bir heyvan növü olduğu yanılmasını tamamilə mənimsəyib sahibləndiyi aydın olan “Animal Planet”, gerçəkləri tamamilə göz ardı edərək, şimpanzenin yalnız alət istifadə edə bilən bir canlı deyil, insan oğlundan başqa dünyada alət düzəldə bilən tək canlı olduğu kimi həqiqətdən kənar iddia edirdi!

 

Darvinist ön mühakimələr şimpanzelərlə “Animal Planet” arasında xüsusi bir sevgi bağı meydana gətirmiş ola bilər. Ancaq “Animal Planet”in, şimpanzenin, alət düzəltmə qabiliyyətinə sahib tək canlı olduğu istiqamətindəki zənni səhvdir. Çünki elm dünyasında “New Caledonia” qarğalarının üstün alət düzəltmə qabiliyyətinə sahib olduğu bilinməkdədir. Bu canlılar heç bir şimpanzenin bacara bilmədiyi növdən alətlər edərək elm adamlarını heyrətə salmış, bu qabiliyyətləri məşhur “Science” jurnalında yer vermişdir. (“Shaping of Hooks en New Caledonian Crows”, Science,Volume 297, Number 5583, 9 avqust 2002, səh. 981) Qısacası şimpanzelər, alət düzəltmə qabiliyyəti baxımından, yalnız “Animal Planet”in xəyal dünyasında ən qabiliyyətli canlılardır. “Animal Planet”, darvinizm yanlısı yayımlarında görməyə vərdiş etdiyimiz şimpanze nağıllarını heç olmasa “doğru” məlumatlara söykəmə məsuliyyətini yerinə yetirməlidir.

 

Gerçəkdə isə, şimpanze zəkasına əsaslanan təkamül təbliğatları təkamül nəzəriyyəsinə heç bir elmi dəlil təmin etməməkdədir. Bu istiqamətdə ortaya qoyulan ifadələr kor-koranə darvinizm inancından başqa bir şeyə söykənməməkdədir. Bu mövzuda daha geniş bir yazımızı buradan oxuya bilərsiniz.

 

Proqramda zebrlərə möcüzə kamuflyaj yaradan qara ağ naxışlar haqqında tamamilə xəyal gücünə söykənən bir fərziyyə ortaya qoyuldu. Qarşılıqlı dayanan zebrlərin bir-birlərinin boyunlarını dişləriylə qaşıdığı hissədə bu ifadələrə yer verildi:

 

“Bəlkə də xətlər böyürün və boyun ətrafındakı qaşıma nöqtələri olaraq yaranmağa başladı. Və daha sonrakı təkamüllərində bu xətlər bütün bədənlərinə bir dostluq göstəricisi olaraq yayıldı”.

 

Digər bütün canlılarda olduğu kimi, zebrlərdə də, dəri naxışları DNT-də kodlaşdırılmışdır.

 

Zebrin naxışlarıyla əlaqəli məlumatlar beləcə nəsildən-nəsilə köçürülmüş olar. Bu məlumatın bir başqa zebr tərəfindən dişlənilərək və ya cırmaqlanaraq dəyişməyəcəyi ortadadır. “Animal Planet”, zebrlərin cırmaq hərəkətlərinin digər xətlərin uzanması arasında paralellik qurmuş görünməkdədir. Buna görə yaquardakı naxışların da özünü dairəvi dil hərəkətləriylə yalayan yaquarın ortaya çıxardığı kimi fərziyyə də edilə bilər. Amma əlbəttə bu, eynilə “Animal Planet”in zebrlə əlaqədar iddialarında olduğu kimi, elmi deyil, çünki kənardan qaşıma hərəkətləri genetik məlumat ortaya çıxarmaz. Əslində bir az düşünülsə, bu cür məcburi fərziyyələr etməyə gərək olmadığı asanlıqla ortaya çıxar. Çünki ortada genetik məlumatla kodlaşdırılmış, zebrə faydalı şəkildə hazırlanmış naxış vardır. Bütün bunlar göz önünə alındığında bu naxışların zebrə bir yaradıcı tərəfindən verildiyi ortaya çıxar. Allah zebri yaratmış və onu vəhşi heyvanların hücumlarından diqqət yayındırma faktoru olan bu naxışlarla təchiz etmişdir.

 

Kompüterdə canlandırılmış dinozavr simulyasiyalarının çoxlu göstərildiyi bu proqramda, bəzi dinozavr növləriylə əlaqədar bu təkamülçü iddialara yer verildi:

 

“Ankylosaurus təkamül keçirərək bütün zamanların ən böyük otyeyən olacaq… Syntarsus theropoda çevriləcək. Allosurusun T.Rexə çevriləcəyi kimi…

Dilophosaurus və synratsus eyni soydandır. Gələcəkdə dörd yerinə üç barmaq, daha böyük başları olacaq.”

 

Gerçəkdə bu iddialar yalnız xəyal gücünə əsaslanır. Dinozavrlar mövzusunda mütəxəssis və eyni zamanda təkamülçü olan Dr. Michael Benton, “Dinosaur and Other Prehistoric Animal Fact Finder” adlı kitabında Ankylosaurusun (səh. 38), Dilophosaurusun (səh.63), Syntarsusun (səh. 72) və Allosaurusun (səh.63) atası olaraq göstərilə biləcək bir canlı olmadığını yazar. (Dinosaur and Other Prehistoric Animal Fact Finder Michael Benton, Kingfisher Books, New York, 1992) Görüldüyü kimi “Animal Planet”in dinozavrlarla əlaqədar iddiaları elmi dəlillərə deyil təkamülçü ön mühakimələrə əsaslanır.

 

Avstraliyada yaşayan heyvanların izah edildiyi sənədli filmdə maraqlı iddia vardı. Şose kənarında yük maşınlarının vurması ilə ölən kenqurular niyə özlərini qoruya bilmirdilər? Bu suala son dərəcə məcburi şəkildə, təkamül ilə cavab vermək seçildi. Və bir daha heç bir dəlili olmayan, tamamilə xəyal məhsulu olan bir ssenari, sanki elmi həqiqət kimi deyildi: Buna görə, “Kenqurular yük maşınlarına qarşı müdafiə etmə mexanizmi inkişaf etdirmək üçün yetərli müddətə sahib deyildirlər” idi. Yəni kenquruların problemi vaxtlarının olmaması idi.

 

Bu kimi iddialar, daha əvvəl də bu saytda dəfələrlə açıqladığımız kimi, elmi təməldən tamamilə məhrum uşaq nağıllarıdır. Təkamülçülər, nəzəriyyəyə kor-koranə inandıqları üçün, təbiətdəki hər bioloji fakta təkamülə görə bir nağıl uyduraraq “izah” gətirərlər. Kenqurular əgər yük maşınlarından müvəffəqiyyətli şəkildə qaçsaydılar, o zaman da “təkamül müddətində kenquruların bu refleksi çox yaxşı qazandıqları”ndan danışacaqdılar. Bu kimi yazılarda və sənədli filmlərdə təkamülçülərin istifadə etdikləri əmin üslub kimsəni yanıltmamalıdır, çünki bu özündən əminliyin tək səbəbi doqmatizmdir. Gerçəkdə isə nə kenquruların, nə də başqa növün təkamüllə ortaya çıxdığına dair heç bir dəlil yoxdur.

 

Proqramda bir bitkinin kəpənəkləri aldadacaq şəkildə kəpənək yumurtasına bənzəyən yumaqlar çıxarması göstərildikdən sonra bu vəziyyət təkamülün möcüzəsi olaraq xarakterizə edildi. Həm də bitkinin bunu təkamül müddətində öyrəndiyi iddia edildi. Halbuki, bu şərh və iddialar tamamilə əsassızdır. Əvvəlcə bu bitkinin gözləri və ya beyni belə yoxdur, bu səbəbdən bir şeyi “öyrəndiyini” söyləmək axmaqlıqdır. Bitkinin özünə heç bir fizioloji funksiya qazandırmayan bu yumaqları yenə də çıxarması və görmədiyi halda kəpənək yumurtasına bənzətməsi, bu mexanizmin bitkini qoruyucu xüsusiyyət olaraq bir Yaradıcı tərəfindən ona verildiyini göstərər. Buradakı nümunə Allahın saysız yaradılış dəlillərindən yalnız biridir.