Həcc surəsi 11
Hörmətli Adnan Oktarın 20 sentyabr 2011-ci il tarixli reportajından Həcc surəsi ilə əlaqədar şərhləri.
ADNAN OKTAR: 11-ci ayə. Şeytandan Allaha sığınıram. “İnsanlardan eləsi də vardır ki, Allaha şübhə ilə ibadət edir.” Yəni, məsələn, yalnız namazını qılır, oruc tutur. Zəkat da verir. Pulu olsa həccə gedir. Kəlmeyi-şəhadət də gətirir. Bəs təbliğ, cihad, İslam Birliyi? Bəs, ən böyük fərz, o nə oldu? “Hamısını necə edək?”-deyirlər. “Axı İslamın beş şərtini yerinə yetirdim, daha nəyi edək?”-deyirlər. Onların dediyinə görə İslam Birliyinə ehtiyac qalmır artıq. Haradan çıxartdılar İslamın şərtinin beş olduğunu? Amma İslam Birliyi ən böyük fərzdir.Təbliğ, cihad etmək, səy göstərmək, Allahın dinini yaymaq ən böyük fərzlərdəndir. Hanı o? “O yoxdur, hamısını etməyimiz şərt deyil ki, mən beş şərtini yerinə yetirdim artıq”-deyir. “Onu da edən etsin”-deyir. Axirətdə bunu, belə rahatlıqla izah edə bilməz. İslam Birliyi ən böyük fərzdir. Bediüzzaman bunu həmişə deyirdi.
Həcc surəsi, 11-ci ayəsinin təfsiri
ADNAN OKTAR: Həcc surəsi 11-ci ayə, şeytandan Allaha sığınıram. Allah Təala belə buyurur: “İnsanlardan eləsi də vardır ki, Allaha şübhə ilə ibadət edər”. Namazını qılır, gecə zikrlərini edir, sünnədə olan qovun, plov və s. onları yeyir, amma cihad etməyə gələndə belə deyir: “İnsanıq, o qədərinə gücümüz çatmaz ki”. Mənafeylərinə uyğun gələn ibadətləri edərlər. Yəni özünə maddi problem yaradan hadisələrə girişmir, yaxud ictimai təhlükə yaradan, sıxıldığı hadisələrə girişmir. Baxın Allah da bunu vurğulayır “İnsanlardan eləsi də vardır ki, Allaha şübhə ilə ibadət edir”. Sıxılanda sarıqla, cübbə ilə camaatla namaz qılmağa, dəstəmaz almağa gedirəm deyir. Bu cür düşüncədə olan çoxlu sayda insan var. Baxın, Allah Təala deyir ki: “Əgər ona bir xeyir çatsa, onunla rahatlıq tapar” (Xeyirinədirsə onunla rahatlıq tapar).
