Hörmətli Adnan Oktarın yeni açıqlamaları (25 Sentyabr 2012-ci il)
Əbdüləziz ibn Müslim, Rəsulullah (s.ə.v)-in buyurduğuna əsasən belə rəvayət etmişdir: “Deyir ki, İmam Mehdinin nizamı, müsəlmanların qürurudur. Dinə nizam gətirər. Müsəlmanlara qürur gətirər.“
“Münafiqlərin kinini özünə çəkər (cəzb edər).” Yəni nə qədər əxlaqsız, şərəfsiz varsa, Mehdi (ə.s)-a kin bəsləyər, nifrət edər, haqqında dedi-qodu edər, əleyhinə yazılar yazar. Öz aralarında, onların fikrinə görə guya bu yolla ona zərər verəcəklər.
“Kafirlərin məğlub olmasına vəsilədir.” Yəni küffarı (kafirləri), Allaha inanmayanları elmlə, ağılla, məğlub edəcək. Çünki Mehdi (ə.s) qan axıtmayacaq. Yalnız elmlə, ağılla məğlub olmalarının vəsiləsidir.
Rəsulullah (s.ə.v ) buyurur:
“İmam Mehdi, dövrünün yeganə adamıdır ki, heç kim onun səviyyəsinə çata bilməz, heç bir alim onunla yarışa bilməz. Onun bənzəri və həyat yoldaşı olmaz.”
“Fəzilət kimi açıq görünür, bütün fəzilətlər onda cəmlənib. Amma o (İmam Mehdi), bunlara istəyərək və çalışaraq nail olmamışdır. Yəni elmlə, akademiyada təhsil alaraq, yaxud mədrəsədə təhsil alaraq, müəllimlərdən elm öyrənərək, tədqiqat apararaq, çox səy göstərərək, çox çalışaraq deyil. Əksinə bu fəzilətləri verən, Uca bəxşedici olan Allah tərəfindən ona (İmam Mehdiyə) xas edilmiş xüsusiyyətlərdir. Bəzi cahillər, bəzi kəslərin Mehdi olmağı üçün çalışması lazım olduğunu, məhz “çox cəhd etsən, Mehdi (ə.s) olarsan” kimi cahil və ağılsız ifadələr işlədirlər. Çox çalışmaqla, çox səy göstərməklə, çox oxumaqla, universitet bitirməklə, müəllimlərdən dərs almaqla, mədrəsələrdə təhsil almaqla mümkün olduğunu düşünürlər … Bu mümkün deyil, belə bir hadisə ola bilməz. Çünki, Mehdi (ə.s), Mehdi (ə.s) olaraq yaradılır. Mehdi halıyla, surəti ilə, tipiylə, bədəniylə, tarixi ilə, gəldiyi şəhər etibarilə, küfrü məğlub etməyi ilə birlikdə Allah onu Mehdi (ə.s) olaraq yaradır, onu vəsilə edir.
