Hörmətli Adnan Oktarın 8 mart 2013-cü il tarixli söhbətindən Muminun surəsi ilə əlaqədar şərhləri.
ADNAN OKTAR: “Və de: “Ey Rəbbim, şeytanın vəsvəsələrindən Sənə sığınıram.”” (Muminun surəsi, 97) Müsəlman bunu mütləq deməlidir. “Ey Rəbbim, şeytanın vəsvəsələrindən Sənə sığınıram.” Bərəkət vardır. Şeytanın təsiri gedər. “Onların mənə yaxınlaşmalarından Sənə sığınıram, ey Rəbbim!.” (Muminun surəsi, 98) Əuzübillahiminəşşeytanirracim deyib şeytanın yanında olmağını istəməməlidir Müsəlman. Nə sağında, nə solunda, nə üstündə, nə yanında, nə ayağında heç bir yerində şeytanın olmağını istəməməlidir. Fərahlıqdır. Şeytandan həmişə Allaha sığınmaq lazımdır. Çünki narahat edər, böhrana salar, unutqanlıq verər, çətinlik verər, diqqətini dağıdar, ürəyə qorxu salar, şövqü azaldar, kədərləndirər. “Onların mənə yaxınlaşmalarından Sənə sığınıram, ey Rəbbim!.”-deyərək mömin dua etməlidir. “Yanımda olmalarını istəmirəm” deməlidir. Görə bilməz, amma gələr üzünə yapışar, kürəyinə yapışar, qoluna yapışar. Dua etsən gedər. “Şeytanın vəsvəsələrindən Sənə sığınıram” deyər. Yoxsa təhrik edər (azdırar), savaşdırar, vəhşiləşdirər. Müsəlmanların yanından getməyi üçün həvəsləndirər. Əxlaqsızların yanına getməyi üçün həvəsləndirər, qəddarlığa vadar edər (təşviq edər), qısqanclığa sövq edər, tənbəlləşdirər, vəfasızlığa meyilləndirər, səliqəsizliyə təşviq edər. Məsələn, belə deyər: “Sənin onsuz da pulun azdır, niyə verirsən? Pulu vermə . Sənə nə, təbliğ etmək sənə düşüb, qoy kim edir etsin” -deyərək təşviq edər. Yaxud min bir cür bəhanə gətirər. Məsələn, “Onsuz da Peyğəmbər (s.ə.v) təbliğ edib, sənə mi qaldı?” deyər. Yaxud “Diyanət İşləri Nazirliyi etsin” deyər. Bunların hamısı vəsvəsədir. Halbuki hamımızın vəzifəsidir dini yaymaq, İslamı izah etmək. Şeytandan necə sığınılacağını Allah ifadə edir burada. Yanında olmağını istəməməlidir mömin, nəyəsə təşvig etməyini istəməməməlidir. Allaha bunu xüsusi olaraq deməlidir, təfərrüatlı deməlidir. Bu təfərrüatlar əhəmiyyətlidir.
