Hörmətli Adnan Oktarın 14 noyabr, 2013-cü il tarixli söhbətindən Məryəm surəsi ilə əlaqədar şərhlər.
ADNAN OKTAR: Məryəm surəsi 61-ci ayə. Şeytandan Allaha sığınıram. “Ədn cənnətləri (onlarındır) ki, Rəhman (olan Allah, onu) Öz qullarına qeybdən vəd etmişdir.” Bax, Öz qullarına qeybdən vəd etmişdir. Qeyb nə deməkdir? İnsanlar Allaha gözüylə görmədən iman edir və Allah söylədiyi üçün inanır. Və ya Allahın dediyinin doğru olduğunu qəbul edir, qeybdən vəd etmişdir. “Şübhəsiz Onun vədi yerinə yetəcəkdir.” Allah Məryəm surəsi, 60-cı ayədə: “Ancaq Tövbə edib iman gətirən və yaxşı işlər görənlərdən başqa!” deyir.Yəni onlar (səmimi olanlar) Allah tərəfindən qorunacaq. “Onlar heç bir zülm (haqsızlıq) görmədən Cənnətə daxil olacaqlar.” “Onlar orada boş (lağlağı) söhbətlər deyil, (mələklərdən və bir-birindən) ancaq: “Salam!” eşidərlər.” Yəni sağlamlıq, təhlükəsizlik, barış, hüzur. Dünyada xüsusilə qarışıqlıq yaradılır ki, insanlar cənnəti istəsinlər, arzulasınlar. Əgər dünya rahat olsaydı, insanlar cənnəti arzulamazdı. Yəni cənnətin qiymətini o qədər yaxşı bilməzdilər. Allah dünyada böyük bir etibarsızlıq yaradır. İnsanlar evlərinin ətrafını tikanlı məftillər bağlayırlar, küçəyə çıxarkən diqqətli olurlar, qapılarına it qoyurlar, ağlasığmaz diqqət göstərirlər, çox diqqət göstərirlər ki, aman-aman bir şey olmasın. Amma cənnətdə nə tel hörgülər var, nə qorunmaq üçün it. İtlər sevmək, oxşamaq üçün var. Pişiklər, quşlar sevmək üçün var. Cənnətdə nə silah var, nə bıçaq var, nə bomba var. Yalnız sevgi, gözəllik, yaxşılıq və bərəkət var, maşaAllah.
