(Bu hissə Ömər Çelakılın “Qurani Kərimdə kainatın elementlər” kitabından faydalanaraq hazırlanmışdır. Bu hissədə doğruluğu təsdiq edilmiş təsbitlərə yer verilmişdir.)
Televiziya verilişləri işıq sürətindəki elektromaqnit dalğaların evlərimizə qədər çatmasıyla reallaşdırılır. Televizor dalğaları elə sürətlidir ki, kilometrlərlə uzaqlıqdan eyni saniyə içərisində görüntü nəqli edilə bilir. Quranda Nəml surəsində -bu texnologiyanı xatırladacaq şəkildə- hz. Süleymanın fərqli ölkədə olan kraliçanın taxtını, eyni saniyədə möcüzəvi şəkildə gətirtdiyi izah edilir:
Kitabdan xəbəri olan bir başqa kimsə isə belə dedi: “Mən onu sənə bir göz qırpımında gətirərəm!” Süleyman taxtı yanında hazır durmuş görən kimi dedi: “Bu, Rəbbimin lütfündəndir ki, məni sınağa çəksin, görək şükür edəcəyəm, yoxsa nankor olacağam!… (Nəml surəsi, 40)
Bu ayə ilk baxışda bizə teleportasiya (şüalanma) və ya görüntü nəqlini (televizoru) xatırladır. Bu hadisənin izah edildiyi Nəml surəsində bəzi hərflərin gizli şəkildə yan-yana gəlib “Televizor” sözünü meydana gətirdiyi görülür.
Televizor sözünü meydana gətirən hərflər, hz. Süleymandan bəhs edilən Nəml surəsinin 17-ci ayəsində soldan sağa yan-yana düzülmüş vəziyyətdədir. Televizor sözü türkcə, ingiliscə, ərəbcə və fərqli dillərdə demək olar ki, eyni şəkildə yazılıb oxunur.
Hərflərin düzülüşü ilə əlaqədar bütün bu nümunələr bir yerdə araşdırıldığında, təsadüflərlə açıqlanması mümkün olmayan möcüzə ortaya çıxır. Eyni zamanda, bu nümunələrin hər biri Quranda araşdıranlar üçün, daha nə qədər möcüzələrin gizli ola biləcəyinə də işarədir.
Bir ayədə, Rəbbimiz Qurani Kərimlə əlaqədar belə buyurur:
Əgər yer üzündəki bütün ağaclar qələm olsaydı, dəniz də mürəkkəb olub ardından ona yeddi dəniz də qatılsaydı, yenə də Allahın Sözləri qurtarmazdı. Həqiqətən, Allah Qüdrətlidir, Müdrikdir. (Loğman surəsi, 27)
