“CNN.com”da 7 may 2003-cü il tarixində nəşr olunan bir xəbəri1 böyük ziddiyyət ortaya qoyurdu. “Dinozavrlar qədər yaşlı bir ordu (An army as old as the dinosaurs)” başlığını daşıyan yazıda Cornell universiteti böcək alimlərindən Sean Bradyın əsgər qarışqalar üzərində etdiyi genetik analizlərin nəticələri xəbər verilirdi. “CNN.com”, bu araşdırma nəticələrinə əsaslanaraq, yüz milyon ildir heç bir dəyişikliyə məruz qalmadığı bilinən əsgər qarışqaların eyni qaynaqdan təkamülləşdikləri kimi bir iddia ortaya atırdı.
Halbuki, əsgər qarışqaların 100 milyon ildir dəyişmədikləri halda təkamüllə uyğunlaşdırılmaları heç bir məntiq daşımamaqdadır. Təkamül nəzəriyyəsi növlərin başqa növlərə çevrildiyini irəli sürən bir nəzəriyyə olduğuna görə, bu nəzəriyyəyə dəlil olaraq təqdim ediləcək canlıların, “dəyişiklik göstərdiyinin” ortaya qoyulması lazımdır. Necə olur ki, əsgər qarışqalar kimi yüz milyon ildir dəyişmədiyi bilinən canlılar dəyişmə əsasına əsaslanan təkamül nəzəriyyəsi çərçivəsində ələ alına bilər? Yəni “təkamülsüzlük”, təkamül dəlili sayıla bilər? Açıqdır ki, bu şərh darvinist ön mühakimələrin nə qədər güclü olduğunu göstərməkdədir. “CNN.com”, bütün canlıların təkamüllə ortaya çıxdığına kor-koranə inanmaqda, bir canlıda heç bir dəyişmə görülməməsinə qarşı onun mənşəyinin təkamül olduğu fikrində təkid edə bilməkdədir.
Yüz milyon il kimi uzun müddət əvvəl yaşamış nümunələriylə günümüzdəki nümunələri arasında heç bir fərq olmayan bu cür canlılar “yaşayan fosillər” olaraq bilinər. Yaşayan fosillər təkamül nəzəriyyəsinin ən qaranlıq nöqtələrindən birini meydana gətirər. Çünki bu canlılar, təsadüfi mutasiya və təbii seleksiya kimi təbii müddətlərlə canlıların başqa canlılara çevrilə biləcəyini müdafiə edən təkamül nəzəriyyəsini yalanlamaqdadırlar. Bu mövzuda təkamülçülər hər vaxt “CNN.com”da görülən ön mühakiməli tutumu sərgiləmək yerinə, yaşayan qalıqların nəzəriyyəyə zərbəsini bəzən açıqca etiraf etməkdədirlər. Məsələn, “Focus” jurnalının aprel sayında çıxan bir məqalədə bu mövzuda aşağıdakılar yazılmışdır:
“Milyonlarla il davam etmiş kimi [DNT] köçürülmə əməliyyatının neçə dəfə edildiyini düşününcə, ortaya çox maraqlı bir portret çıxır. Nəzəriyyədə, dəyişən ətraf şərtləri, düşmən növlər, növlər arası rəqabət kimi müxtəlif təzyiq ünsürlərinin təbii seçkiyə səbəb olması, mutasiyaya məruz qalmış üstün növlərin seçilməsi və bu növlərin (yaşayan fosillərin), bu qədər uzun zaman içində çox dəyişikliyə məruz qalması lazım idi. AMMA GERÇƏKLƏR BELƏ DEYİL. Sözgəlişi, tarakanları ələ alaq. Çox sürətli törəyirlər, ömürləri də qısadır, amma təxminən 250 milyon ildən bəri eynidirlər. Daha təəccüblü bir nümunə isə arxebakteriyalar. Tam 3.5 milyard il əvvəl, dünya hələ çox istiykən ortaya çıxıblar, indiki vaxtda da Yellowstone Milli parkındakı qaynar sularda yaşamağa davam edirlər…”.2 (Vurğu bizə aiddir)
Görüldüyü kimi yaşayan fosillər üzərində təsadüfi mutasiya və təbii seleksiyanın heç bir təsiri olmamışdır, yəni təkamül xəyaldır. “CNN.com”a təkamülə dəstək çıxan araşdırmaları nəşr etmədən əvvəl, məntiq baxımından qiymətləndirməyi laqeyd yanaşmamağı tövsiyə edirik. Beləcə təkamülün elmi dəlillərə deyil kor-koranə inanca əsaslanan bir nəzəriyyə olduğunu görə biləcək.
- “An army as old as the dinosaurs”, 7 may 2003: http://www.”CNN.com”/2003/TECH/”Science”/05/07/army.ants.ap/index.html
2) “Evrimin Çıkmaz Sokakları: Yaşayan Fosiller”, Focus Nisan 2003, səh.40
