“Hürriyet Bilim” jurnalının 3 may 2003-cü il tarixli sayında “Gələcəyin canlılar dünyası çox vəhşidir” adlı yazı nəşr olundu. Yazıyla birlikdə verilən şəkillərdə, xəyal məhsulu və qəribə görünüşlü canlılara yer verilirdi. “Hürriyet Bilim” bu canlıların önümüzdəki 200 milyon illik dövrdə təkamüllə ortaya çıxacaq canlılar olduğunu irəli sürür, bu canlıların isə “mütəxəssis” elm adamlarının fikirlərinə görə hazırlandığını ifadə edirdi. Ancaq bu cür xəbərlərin heç bir elmi dəyəri yoxdur. Tamamilə xəyal gücünə əsaslandıqları üçün diqqətə alınmaları mümkün deyil. Təkamül nəzəriyyəsini, elmdən kənar üsullarla da olsa, yaymaq istəyən “Hürriyet Bilim” bu darvinist xəyalları asanlıqla sahiblənib oxucularına “elm” olaraq təlqin edir.
“Hürriyet Bilim” bu qəribə görünüşlü xəyali varlıqları, budaqlardan asılı olan meşə balıqları olaraq təyin etməkdədir. Yəni “Hürriyet Bilim”, zaman içində duzlu su balıqlarının təkamülləşərək qanad formalı üzgəclərə sahib olacaqlarını və şəkildə görülən canlılara çevriləcəklərinə inanmaqdadır. Bu elmi fantastika nağılına görə meşə balıqları istədikləri zaman budaqlara tərs asılı dayana biləcək, istədikləri zaman da üzgəcləriylə uça biləcəklərdir.
Bu xəbər, əslində darvinizm təbliğatı üçün hazırlanmış “The future is wild” (Gələcək vəhşidir) adlı kitaba əsaslanır. Vətən qəzetində tanıdılan bu kitaba daha əvvəl verdiyimiz cavabı buradan oxuya bilərsiniz.