“Radikal qəzetinin 7 oktyabr 2007-ci il tarixli sayında “işə yaramaz orqan” apendiksin funksiyası tapıldı!” başlıqlı xəbər dərc olundu. Xəbərdə, apendikslə əlaqədar korlaşmış orqan iddiasının ləğvi elmi dəlilləriylə eşitdirilirdi. Bu elmi inkişaf aşağıdakı sözlərlə ifadə edilirdi:
“Bədənin “baş bəlası və işə yaramaz orqanı” apendiksin funksiyası tapıldı: Həzm sistemi üçün yaxşı mikroblar çıxarıb onları qoruyur. ABŞ-dakı Duk Universiteti Tibb Fakültəsindən cərrah və immunitet elmi mütəxəssisləri apendiksin həzm sistemindəki bakteriya toplusuyla əlaqəli olduğunu ortaya çıxardı.
Əsrlər boyunca lazımsız olaraq xarakterizə edilən, həkimlərin nə işə yaradığını tapa bilmədiyi, cərrahlarınsa nizamlı olaraq kəsib atdığı apendiks, “bir işə yaramadığı” kimi iltihablandığında da (apendisit) ölümcül ola bilirdi. Həzm sistemindəki bakteriyaların çoxu yaxşı və yeməklərin həzm edilməsinə kömək edir. Lakin bəzən bağırsaqlardakı bakteriya florası ölür və ya yox edilir. Yeni çalışmaya görə isə apendiks, belə vəziyyətlərdə həzm sistemini yenidən yükləyir.”
Radikalda yer alan bu sətirlər, əhəmiyyətli elmi inkişafdan xəbər verməklə yanaşı, bir əsrdən çoxdur davam edən təkamülçü doqmatizmin az da olsa tərk edildiyini göstərməsi baxımından ümidvericidir. Təkamülçülər XX əsrin əvvəllərində funksiyası hələ kəşf edilməmiş bir çox orqanı (məsələn apendiks, quyruq hissəsi və s.) “işə yaramaz, korlaşmış orqanlar” olaraq qarşıya qoymuş və təkamül lehində dəlil kimi göstərməyə çalışmışdılar.
Ancaq sonrakı tibbi araşdırmalar, “işə yaramaz” sayılan orqanların əhəmiyyətli funksiyalarını ortaya çıxarmışdır. Elmi məlumat artdıqca təkamülçülərin məlumatsızlıqla bəslədikləri korlaşmış orqan iddiası da çürüdülmüşdür. Təkamülçü yazar S. R. Skaddinqin ifadəsiylə “biologiya məlumatı artdıqca, korlaşmış orqanlar siyahısı da gedərək azalmış” və sonda yox olmuşdur. (S. R. Scadding, “Do “Vestigial Organs” Provide Evidence for Evolution?”, Evolutionary Theory, 5-ci cild, may 1981, səh. 173.)
Radikalda xəbər verilən bu son elmi iş, təkamülçülər tərəfindən çox uzun müddət guya korlaşmış orqan kimi adlandırılan apendiksin funksiyasını ortaya çıxarmışdır.
